Djasans

Tchaint d’cés qu’sont aiyus fait

B’nâchu feusses, hât chire,

por toi sont les éjeudges,

lai glouere è l’honneu

è totes les b’nâchures.

Ranqu’por toi hât chire è conv’niant.

piepe ïn hanne n’ât prou hât po dire ton nom

**

B’nâchu feusses, hât chire

aivo totes les piaintes, dgens è bétes

q’t’é botaie chu not’bôle

en ècmençaint pai not’frérat l’soreil

qu’nos bèye l’djo.

Aivo lu te nos bèye lai lumiere.

El a bé è riuéjaint, tot pien d’çhéraince

De toi hât chire el â l’signat.

**

B’nâchu feusses, hât chire

po lai yüne è les étoiles

q’t é botaie dains l’cie

che belles riuéjaines è çhaires c’ment ïn trésoue

**

B’nâchu feusses, hât chire

pai l’ouere, l’air è les nues,

l’biau di cie è tos les temps q’te’nos beyes

po qu’not’ vétiaince feusse possibye

**

B’nâchu feusses, hât chire

po not’ soeuratte l’ave

qu’nos aiboingniant taint,

lée qu’â tote simpye,

aidé li sains pare de piaice

**

B’nâchu feusses, hât chire

pai l’füe po éçhiérie nos neus

toi qu’â bé djoyeux, pien d’fôche

**

B’nâchu feusses, hât chire

po not soeuratte è mére lai tiere qu’nos sôtïnt è nos neurit

en nos bèyaint des moncés d’totes sortes de fruts, des çiots

de totes les tyeulies è peu ainco l’hierbe

**

B’nâchu feusses, hât chire

po cés qu’perdeunant

qu’seuffrant malaidies è rigoteries.

Heyroux sont-é d’les suppotchaie dains lai paix.

Pai toi hât chire è s’raint raipaijïe.

**

B’nâchu feusses, hât chire

po not soeur lai moue di cô

niun ne peut en rétchaippaie

malhèye en cés qu’meurraint

aivo des mortels è’r’bours

Heyrous sairaint cés qu’lai moue trov’rai

dains tes saintes v’lantès

poq’lai doujïme moue n’veut saivoi i faire de mâ.

**

Braigaites è b’nâtes not’hât chire

eurmêrchiaites-le

seurvâtes le en vos seuvniaint

c’ment vos étes ptéts

Traduction, Danielle Miserez, Lajoux, La Courtine

---

Document PDF à télécharger

---