Djasans

Lai p’téte Suzon poi Henry Tournier 1. Eh bïn : l’ bonjour, lai p’téte Suzon I aie atye ai vos dire Vos voérïns bïn saivoi mon nom I vos n’ lo veux pe dire I seus r’veni dâ hie â soi Dâ l’ pus bé Rédgiment di roi Ho : Traderi dera 2. E y é sept ans qui m’ en allé Glorieux, provè mai tchaince I n’ tiudô pe tiain i paitché Qu’ è f’sait chi bon en Fraince An maindge, an boit c’ment des pachas : Qu’ è m’ en ât dj’ grie de nos ratas : Ho : Traderi dera 3. Ès m’ aint botè de faction Devaint lai citadelle, Et ces que n’ saivïnt pe mon nom M’ aipp’lïnt lai sentinelle È n’ y airait piep’ péssè ïn s’ri Qu’ i ench’ criè : Tiu ât-ç’ qu’ ât poi li ? Ho : Traderi dera 4. Èl ât veni des généraux Qu’ étïnt tot pieins de gloire ; Èl ât veni des caporaux Que m’ aint paiyie è boire, Ènn’ bèll’ cocaidge en mon tcha Cré nom d’ mai vie, qu’ i étôs bé ! Ho : Traderi dera 5. Nos sons t’ aivu dedains lai dyiere Èl é fayu se baittre D’aivô ces tchairvôt’ de Prussiens, Crougie lai boéyonnette, I aî tirie dains l’ pus épâs : Ès tchoiyïnt tus c’ment des craipâs Ho : Traderi dera 6. Et nos royïns tus c’ment des fôs Tiaind i r’senté poi d’rie Ïn côp que m’ foté droit chus l’ dos. An m’ poétche an l’ infirmrie : I d’moérôs tot l’ djoé â yé, I enraidjôs c’ment ïn toéré. Ho : Traderi dera 7. Tiain i eus fini mon condgie I r’venié voue mai blonde I l’ ai trovè en mairiaidge D’aivô l’ Djoset d’ lai Combe V’ ât-ç qu’ ât lai foi que t’ me djurôs Que te m’ ainmôs, bell’ que t’ étôs Ho : Traderi dera 8. Ç’ ât chur, bïn chur D’ aivoi predju Suzette Mains n’ sie d’ ran d’ boussè des railâ Ç’ ât dïnche aivô les belles Po m’ consolè d’ rétr’ tot d’ pai moi I veux rallè … servi le roi ! Ho : Traderi dera