Djasans

Tchâss’naie

poi ç’t’ Ainne-Mairie des p’nies, l’premie de djuïn 2012 Lai vétçhaince, ç’ ât c’ment qu’ ïn tricat. L’ Bon Dûe m’ bèye lai laînne è les aidieuyes pe m’ dit : « Te tchâssen’rèz de ton meu, ènne maîye en ïn côp ». Ènne maîye, ç’ ât mai djoénèe chus les aidieuyes di temps. Aiprés doze reindgies d’ trente obïn trente-yènne maîyes, t’ és trâs ceints soichante-cïntçhe maîyes envirvô. En dieche ans, çoli fait trâs mil ché ceint cinquante maîyes. Quéqu’ yènnes sont è l’ endrèt, d’ âtres sont è l’ envietche. Des maîyes sont étchaippèes, mains, an les peut r’pâre pe les r’montaie. Lai laînne qu’ lo Bon Dûe nôs bèye po tchâss’naie note vétçhaince ât de totes les tieulèes : rôje c’ment qu’ nôs bonhèyes, noi c’ment qu’ nôs poinnes, grije c’ment qu’ nôs dotes, voi c’ment qu’ nôs échpérainces, roudge c’ment qu’ nô aimoués, biantche c’ment qu’ not jei en Dûe. Po l’ tricat d’ lai vétçhaince, cobïn d’ maîyes v’lant étre tchâss’nèes ? Ran qu’ Dûe l’ sait. Pére, bèye-me l’ coéraidge d’ aich’vaie ç’t’ oeûvraidge aifïn que t’ le troveuche daigne d’ l’ étrenâ l’ échpojichion.