Tchaint d’ Nâ

(Bréçouse, 1999)

Egrene, égrene, égrene,
Mon pâjaint çhain, égrene !
Po faire bé en ci p’tét l’afaint,
Qu’ li nôs sôrit dains son étrain.
En lu l’étrain, l’ biè és hannes !

Choûeçhe, çhoûeçhe, çhoûeçhe,
Oh mon aîne çhoûeçhe !
D’ aivô l’ bûe te dais rétchâdaie
Ci p’tét coûe qu’ se bote è grulaie.
E prend note fraid, l’ tchâd és hannes !

Vire, vire, vire,
Mai p’téte felatte vire !
N’airrâte pe de téchie di flè
Po tchâss’naie ïn bïn tchâd dgèplé.
Yïn d’ aimoé po tos les hannes !

Tchainte, tchainte, tchainte,
Mon bé l’ aindge tchainte !
Satche les laîgres de l’afaint que pûere,
En s’ musaint en tus ces qu’ daint fure !
E vadge les pûeres, djoue és hannes !

Brece, brece, brece,
Oh mai bréçouse brece !
Bèye le sanne en ci p’tét l’afaint,
Qu’ sait dje ç’ que nôs y’ v’lans faire demain !
En lu l’ malhèye, pyiain és hannes !

J-M. Moine

Le çhain

L’ aîne è pe l’ bûe

Lai felatte

L’ aindge

Le bré