Djasans

– Bondjoué, l’Hanne. Qu’ât-ce qu’è n’vai pe ?

– Ç’ât mai fanne qu’é pris ïn rendez-vous po moi. I n’srôs p’veni. Èlle dit qu’i aî tchaindgie, qu’i seus â fond di p’tchus, èt peus, se çoli continue, i veus fini dains ènne mâjon d’fôs, ou bïn pé, dô l’train. Èlle é catchie mon fie-feu. Vôs voites, Dotteur, èlle é pavou.

– È y é longtemps d’çoli ?

– È y é pus d’ïn an.

– Vot’fanne é craibïn réjon. Qu’ât-ce qu’èlle é eurmairtçhè ?

– Poiraivant, i tchaintôs di matin â soi cment ïn rossignolat, i çhiotôs cment ïn mièle. I aivôs ènne foûeche de tchvâ. I poéyôs étre réchâle cment ïn moton ou bïn boqué cment ïn mulat. En lôvre, i f’sais l’sïndge po aimujaie les afaints. I dremôs cment ïn loûere. Mitnaint, i n’tchainte pus, i n’doûe quasi pus, i çhoûeçhe cment ïn bue, i seuffre cment ènne béte.