Djasans

Paru dans LQJ du 4 janvier 2013. {Le p’tèt Xavie chneuque dains le tirou laivou sa grand-mére voidge des photos di véye temps. Èl en sort ènne qu’è montre en lai fanne. Xavie ât courieû c’ment tos les afaints. È veut saivoi : - Tiu ç’ât, çtu-li ? – Ç’ât l’Airthur. In grôs paiysain. È s’ât tyuè en traicteur en cïnquante-trâs. – Èt peu çtu-li ? – Ç’ât l’Benoît. Ïn sacré piainteusse. Sai femme le raim’nait di cabairèt en boyevatte. – Èt peus çtu-li ? È môtre ïn bél officie de 14-18, d’aivô des moch’taitches. Drie lai photo, è y é âtçhe de gray’nè. Le nitiou n’é p’ le temps de yére. Lai grand-mére yi airraitche lai photo des mains èt peus lai déchire. – Pôquoi ? La grand-mére se coidge, mains des laîgres yi v’niant és eûyes. Le p’tèt Xavie ne saré dj’mains l’hichtoire di bé caip’taine et c’ment sai photo s’ât r’trovèe dains ci tirou.} Dans le tiroir où sa grand-mère conserve ses photos, Xavier découvre un officier de fière allure. L’aïeule arrache la photo des mains du gamin et la déchire sans explications. ---- Ecouter la chronique lue par Bernard Chapuis

---- La chronique patoise du QJ en direct : ----