Vous êtes ici : Accueil > Pour les écoles > DJASOU, Propositions de leçons clé en main > La ferme > La petite poule rousse
Publié : 11 septembre

La petite poule rousse

Canevas du thème Petite poule rousse

info document -  PDF - 77.1 ko

La petite poule rousse

info document -  PDF - 244.3 ko
info document -  PDF - 55.7 ko

Lai petéte fouxe dgerainne

écouter Michel Cerf

info document -  MP3 - 5.3 Mo

Èl était ïn côp ènne petéte fouxe dgerainne bïn aimabye. Ïn bé maitïn c’te petéte fouxe dgerainne trove cïntye grains de biè ét putôt que de lés maindgie, se bote dains lai téte de lés vengnie.

Po vengnie cés cïntyes grains de biè, èlle aippeule sés trâs aimis, lo boérèt, lo poûe èt lo tchait, po qu’ès v’nieuchïnt l’édie.

Lés trâs aimis de lai petéte fouxe dgerainne ne poyïnt pe venis l’édie è vengnie lés cïntye grains de bié poéche qu’ès étïnt tus brament otiupaies.

Lo poûe dit : « I airôs bïn v’lu, mains i n’é pe finit de maindgie ! »
Èt è repétchait c’ment èl était veni.

Lo tchait dit : « Ïn âtre côp aivo piaigi, mains li i dait revirie me faire bé ! »
Èt è repétchait sains brut tchu sés paittes.

Lo boérèt écâquelaie : « Ïmpossibye po moi, i dait voûere lai boére de Jeanne ! »
Èt è repaît en se balainçaint.

Aidonc lai petéte fouxe dgerainne s’en vait tot de pai lée piaintaie sés cïntyes grains de biè.

Lo temps péssaie èt lés grains de biè grandéchant bïn.

Bïntôt airrive lo môment de lai moûechon, lo môment d’allaie soiyie lés grands épis de biè.

Bïn chur lai petéte fouxe dgerainne aippelaie sés trâs aimis po qu’ès venieuchïnt l’édie.

Lo boérèt écâquelaie : « I n’ai pe lo temps ! È fât qui alleuche éçhaipaie ! »
Èt è s’en vait.

Lo tchait dit : « Qué mâ tchaince ! I airait bïn ainmaie allaie moûechenaie aivo toi, mains i dais finit de chlapaie mon laicé, que richque de touénaie ! »
Èt è repaît sains bru tchu sés paittes.

Lo poûe groncenaie : « Çoli s’ré aivu ïn piaigi, mains ç’ât lo djoé de mon bain dains lai trouse ! »
Èt è s’en vait c’ment qu’èl était venit.

Aidonc lai petéte fouxe dgerainne allaie tot de pai lée moûechenaie lés épis de biè.

Ïn côp lai moûechon finit lai petéte fouxe dgerainne devait empoétchaie lo sait de grains de biè d’junqu’à melïn po lo meudre ét en faire de lai fairène.

Bïn chur èlle aippeul en l’éde sés trâs aimis.

Lo tchait dit : « I voérôs bïn mains è me sanne aivoi vu péssaie ènne raitte ! »
Èt èl ât repaitchit sains bru tchus sés paittes.

Lo poûe groncenaie : « Bïn v’lantie mains pe mitnaint, ç’ât l’hoûere de lai moirande ! »
Èt è l’ât repaitchit c’ment èl était veni.

Lo boérèt écâquelaie : « Çoli tchoi mâ, i dais allaie voûere lo médecïn po mai gruatte ! »
Èt è s’en vait en se balainçaint.

Aidonc lai petéte fouxe dgerainne s’en feût d’junqu’à melïn tot de pai lée aivo son sait de biè ét s’en revïnt, tot de pai lée, aivo son sait de fairène.

En l’hôta èlle pregnait de lai fairène, de l’âve, de lai sâ èt de lai yevure po aipparayie sai paîte è pain.
Èt bïn chur èlle aippeul sés aimis po l’édie.

Lo boérèt écâquelaie ét repaitchait en se balainçaint.

Lo tchait s’en allaie sains brut.

Lo poûe groncenaie ét repétchait c’ment él était veni.

Aidonc lai petéte fouxe dgerainne pétrat lai paîte tot de pai lée, lai léche gonçhaie, èt fait tieûre lo pain dains son foué tot de pai lée.

Tiaind lo pain ât aivu tieût, èlle aippeul sés aimis :

Tiu ât-ce que ve m’édie è maindgie mon bon pain ?

MOI MOI écâquelaie lo boérèt.

MOI MOI groncenaie lo poûe.

MOI MOI dit lo tchait.

Mains lai petéte fouxe dgerainne qu’aivait vengnie son biè tot de pai lée, qu’aivait moûechenaie tot de pai lée, qu’aivait poétchaie lo sait de bié à melïn tot de pai lée, qu’aivait aipparayie lai paîte tot de pai lée yos dit :

« Djainqu’è mitnaint i ait fait tot de pai moi, aidonc i ve porcheudre ! »

Èt èlle maindgeait son pain....... tot de pai lée !

info document -  PDF - 52.4 ko

animaux à coller

info document -  PDF - 562.8 ko

quand trois poules vont aux champs (chant)

info document -  PDF - 284.6 ko

mon instant préféré

info document -  OpenDocument Text - 10.1 ko

mot caché

info document -  PDF - 276.3 ko

mot croisé

mot croisé solution