Publié : 27 juin 2018

Histoires de La Sagne

Hichtoires d’ Lai Saigne

Eric Matthey

Hichtoires d’ Lai Saigne

Hichtoires d’ Lai Saigne (cheûte) {{L’ cabartie pe l’ cavalie}} Ïn cavalie s’ airrâte d’vaint lai Biantche-Croux en Lai Saigne. Chu sai poûetche, l’ cabartie lu sôrit. « Ât c’ qu’ vôs ez ènne tchaimbre ? », qu’ lu dmainde le viaidgeou. « Nian, è m’en encrât ! » qu’ lu répond l’ cabartie tot aiffôlè. En ci môment-li, l’cavalie déchend d’ son tchvâ… dâli, l’ Saignard tot ébâbi aidjoute tot comptant : « I n’saivôs pe qu’ çoli s’ démisslait.. è bïn ô, i aî ènne tchaimbre po vôs è pe ènne piaice en l’étâle po vot’ tchvâ ! ». {{L’ réton}} L’roi d’ Prusse ayaint ainnoncie sai preutche envellie en Lai Saigne, l’ mére di vlaidge convoque son tieûm’nâ po botaie chu pie c’te réchèpchion. È fât présentaie â mounairque âtche qu’é n’airait encoé dj’mais vu… obïn ôyi ! Di côp, an fait è v’ni l’ sains-nûebïn di v’laidge è an lu échpyique qu’è dairé faire l’ réton, coitchie drie ènne fiatte. Aiprès lai nonne, l’mére raiconte â roi qu’è y’é ïn brâment bon réton d’lai sen d’lai Roitche-ès-Crâs. Ès y’i vains trétus aivô piaigi. Airrivè dains lai côte, l’mére dit â roi : « Chire, heûlèz âtche, l’réton vôs veut répondre ». L’roi heûle : « Réton, ât-ce que t’és li ? » Dâli l’réton brâme : « Poidé bïn chur qu’i seus li…, çoli fait dje ènne boussiatte ! ». {{L’aîne di Saignard}} Ïn Saignard trovait qu’le foérraidge d’son âine lu côtait trop tchie. È s’ dit : « I l’ veus botaie ptét è ptét â savraince, rédure tchétche djoué sai ranchion, po airrivaie è quasi ran ». Les permies djoués, çoli allait défïnmeu djunqu’ tiaind qu’ son aîne feuche airrivè é vétçhie sains maindgie. Mains li, malhéyrous’ment… él était moûe ! {{Les pammes}} Duraint ènne grosse nonne en Lai Saigne en préjenche di roi, l’mére préjente è ç’tu-ci ïn corbion tot pien d’bèlles pammes bïn peutéchainnes. « Prentes-en, Chire, ces fruts aint mavurie en Lai Saigne ». Le roi d’ Prusse en prend yènne è pe lai mouêd ès bèlles dents. È lai trôve bïn boénne mains d’mainde â mére : « Poquoi ât-ce que vôs pâlèz lai vôte, èlle ât che boénne d’aivô l’échâlure ? ». « Ç’ât chur, qu’répond l’mére, mains è y’n é qu’ aint rôlè dains lai beûse, è pe i n’ sais p’ lesquées… ! » {{Ïn aîne â môtie}} Poi ïn bé djoué d’herbâ, les Saignards aivïnt conchtru ïn étchaifâ contre le môtie po compièt’ment révisaie son toét dvaint que v’nieuche lai noidge. Aivaint que d’ grattaie lai mousse è l’hierbe chu les taivèyons, è pe po n’pe léchie piedre ïn po d’ foérraidge, l’Véyat Perret grôté è hâssie son aîne chu les lavons laivous’ qu’é l’aittaitché d’côte des bés voids treûtchèts. Voili qu’ l’aîne déguéye è pe d’moére pendu poi sai coûedge… Dâli, son maître s’écriyé : « Voites voûere, c’ment qu’é s’rédjoye de loitchie c’te bèlle l’hierbe, èl en tire dje lai landye ! ». {{Beûj’naidge}} En Lai Saigne, dûemoine â maitïn aivaint l’ tiulte, les çieutches di môtie ainnonçant lai montèe des ouéyes vé l’tempye. Tchie lé, dje en vétures di dûemoine, daime Vuille ât ïn pô en r’taîd, mains èlle vait encoé vite â p’tét câre d’vaint que d’ paitchi. Èlle pôse son grâlie â long di ptchu è pe elle paît vé l’ môtie d’aivô l’ tieuvieche en bôs des tchoûeres dôs l’brais. Hichtoires d’Lai Saigne (cheûte) L’envèllie du roi d’Prusse (cheûte) En r’paitchaint d’ Lai Saigne, en lai fîn d’ son envèllie, le roi d’Prusse traivoiche encoé ïn côp le v’laidge. Tos les dgens s’ botant en laingne d’ tçhétçhe sen d’lai vie po l’ saluaie. Lai mére Monnard ât li d’aivô totes les comméres di v’laidge. Mains tot d’ïn côp, daime Monnard sent des gargoéyats dains son ventre. Sai painse d’vïnt d’pus en pus gonçhe. Èlle dit en ses compaignes : « È fât qu’i alleuche m’ sôlâdgie drie ïn boûetchèt. Ch’ le roi airrive aipplèz me ! ». Djeûte aiprès, lai calètche di roi, tirie poi quaitre bé tchvâs, déchend di hât d’Lai Corbatière. Les hannes y’vant yôs trecoûenes pe totes les dgens breûyant : « Vive le roi et la mornar-chie ! Oui, la monar-chie ! ». Lai mére Monnard, drie son boûetchèt s’ bote è brâmaie : « Oh nian ! Qué rotte de groûechies mâlhannêtes ! Ès diant â roi s’ qu’i fait ! ». Le p’tét sïndge Ïn âtre côp, ç’ât lai Duchesse de Nemours, daime de Neûtchété, qu’ vïnt envèllie ses bons neûtchétlous sudjets en péssaint poi Lai Saigne. Èlle voiyaidge aiccompaignie d’son p’tét sïndge. Èlle poétche sai p’téte béte dains ses brais c’ment ïn afnat. Les dgens d’ Lai Saigne n’aivïnt dj’mais vu d’ sïndge. Daime Vuille appoétche ènne cratte rempiâchu d’ bélles embâmè aiméres pe ïn potat de frâtche creimme. Èlle bote les aiméres dains ïn piait pe voiche lai creimme poi d’chus, po lai déssietche d’ sai roiyaile envèllie. Tot comptant, le loitchou p’tét sïndge sâte chu lai tâle, piondge sai paitte dains lai creimme pe se r’loitche. Daime Vuille le gremoinne d’gentiment : « Monchire le prïnce, è n’ ât’ p’ bïn pôli d’ se sèrvi d’vaint Maidaime vôt’ mère ! ». L’môtie Les « Sagnards » airïnt bïn v’lu conchtrure yot’ môtie en mée di v’laidge, c’ment qu’ çoli se f’sait en dgén’râ. Mains, « Sur le Crêt », l’ prie di tchésâ était bïn trop tchie po ces aivaricious, chutôt qu’ le chire Vuille yos s’monjait ïn tchésâ po quasi ran chu ïn tchaimpois â drèt di vâ, en ïn quaît d’houre è pie di moitan v’laidge. L’ môtie feut dïnche conchtru en 1526 chu « Les Crêtets », â yûedit adjed’heû « La Sagne-Eglise ». Çoli s’rait aivu défïnmeu, mains c’ment poitchot è y’ é aidé des contreloiyous. Dâli ènne rotte de dgens di v’laidge décidainnent d’ raippreutchie ci môtie di centre. Ès léchainnent yôs biôdes è yôs capes è vis chu l’hierbe, r’yeuvainnent yôs maintches pe s’ bottainent è boussaie taint è pus lai mâjon di Bon Dûe d’lai sen di coutchaint. Di temps que c’te rotte de teûnés était bïn aiffairè, ïn nitiou qu’ les ravoétait prend l’talpé d’vétures pe l’ dépiaice pu laivi d’ lai sen di y’vaint. Dâli, l’banvaîd qu’ voit les haîyons â laivi, breûiye en ses cam’râdes : « Coéraidge mes aimis ! An ont dje bïn aivaincie ! Nôs s’sons éloingnie d’nôs vétures d’â moins vïntg pies ! Aigondgèz ! ». Les Foulets, le 19 d’aivri 2006 Eric Matthey {{L’envèllie di roi d’Prusse (cheûte)}} En r’paitchaint d’ Lai Saigne, en lai fîn d’ son envèllie, l’ roi d’Prusse traivoiche encoé ïn côp le v’laidge. Tos les dgens s’ botant en laingne de tçhétçhe sen d’ lai vie po l’ salvaie. Lai mére Monnard ât li d’aivô totes les comméres di v’laidge. Mains tot d’ïn côp, daime Monnard sent des gargoéyats dains son ventre. Sai painse d’vïnt d’pus en pus gonçhe. Èlle dit en ses compaignes : « È fât qu’i m’ alleuche sôlâdgie drie ïn boûetchèt. Ch’ le roi airrive aipplètes – me ! ». Djeûte aiprés, lai calètche di roi, tirie poi quaitre bés tchvâs, déchend di hât d’Lai Corbatiere. Les hannes y’vant yôs trecoûenes pe tos les dgens breûyant : « Vive le roi et la mornar-chie ! Oui, la monar-chie ! ». Lai mére Monnard, drie son boûetchèt s’ bote è brâmaie : « Oh nian ! Qué rotte de groûechies mâlhannêtes ! Ès diant â roi ç’ qu’ i fait ! ». {{Le p’tét sïndge}} Ïn âtre côp, ç’ ât lai Duchesse de Nemours, daime de Neûtchété, qu’ vïnt envèllie ses bons neûtchétlous sudjets en péssaint poi Lai Saigne. Èlle voiyaidge aiccompaignie d’son p’tét sïndge. Èlle poétche sai p’téte béte dains ses brais c’ment qu’ ïn afnat. Les dgens d’ Lai Saigne n’ aivïnt dj’mais vu d’ sïndge. Daime Vuille appoétche ènne cratte rempiâchu d’ bélles embâmèes aiméres pe ïn potat de frâtche creinme. Èlle bote les aiméres dains ïn piait pe voiche lai creinme poi d’chus, po lai déssietche d’ sai roiyâ l’ envèllie. Tot comptant, le loitchou p’tét sïndge sâte chu lai tâle, piondge sai paitte dains lai creinme pe se r’loitche. Daime Vuille le gremoinne d’gentiment : « Monchire le prïnce, è n’ ât’ p’ bïn pôli d’ se sèrvi d’vaint Maidaime vot’ mére ! ». {{L’ môtie}} Les « Sagnards » airïnt bïn v’lu conchtrure yot’ môtie en mée di v’laidge, c’ment qu’ çoli s’ f’sait en dgén’râ. Mains, « Sur le Crêt », l’ prie di tchésâ était bïn trop tchie po ces aivaricious, chutôt qu’ le chire Vuille yos s’monjait ïn tchésâ po quasi ran chu ïn tchaimpois â drèt di vâ, en ïn quaît d’houre è pie di moitan v’laidge. L’ môtie feut dïnche conchtru en 1526 chu « Les Crêtets », â yûedit adjed’heû « La Sagne-Eglise ». Çoli s’rait aivu défïnmeu, mains c’ment poitchot è y’ é aidé des contreloiyous. Dâli ènne rotte de dgens di v’laidge déchidainnent d’ raippreutchie ci môtie di centre. Ès léchainnent yôs biôdes è yôs capes è viche chu l’hierbe, r’yeuvainnent yôs maintches pe s’ bottainent è boussaie taint è pus lai mâjon di Bon Dûe d’ lai sen di coutchaint. Di temps que ç’te rotte de teûnés était bïn aiffairè, ïn nitiou qu’ les ravoétait prend l’talpé d’vétures pe l’ dépiaice pu laivi d’ lai sen di y’vaint. Dâli, l’ banvaîd qu’ voit les haîyons â laivi, breûye en ses caim’râdes : « Coéraidge mes aimis ! An ont dj’ bïn aivaincie ! Nôs s’sons éloingnie d’nôs vétures d’ â moins vïnte pies ! Aigongèz ! ». Les Foulets, le 19 d’aivri 2006 Eric Matthey Hichtoires d’Lai Saigne Tot poitcho è y é aivu des dgens chu léqués an ont raicontè des loûenes ! En Europe an en raiconte chu les Belges, taindis qu’en Suisse romande ç’ât chu l’dôs des Fribordjé qu’an rit. Dains l’Jura, en Aidjoue an s’fot d’ces Bâts d’Bonfô, pe, en lai Montaigne, an rit d’ces Vies di Peutchaipatte. Dâli bïn chur qu’le cainton d’Neûtchété é âchi ses tétes de Turcs. Ç’ât les dgens d’lai Saigne ! Lai Saigne, ç’ât ci grant v’laidge qu’ailaingne ses mâjons et ses belles fèrmes duraint cïntçhe kilomètres dains ïn hât vâ di neûtchét’lous Jura tot prés d’Lai Tchâ-d’Fonds. Lai Saigne, ç’ât l’Yue d’naichaince d’ci Daniel JeanRichard, pére d’lai r’leudg’rie dains les montaignes du Jura. Mains ç’ât âchi l’bré, des Matile, Matthey, Perret, obïn encoé des Péter-Comtesse. Âchi, poi ènne belle ens’rayie djoénèe, i vôs rec’mainde de pâre ïn côp l’« Ponts-Sagne », ci bé p’tét roudge train qu’vôs moinn’ré dâ Lai Tchâ-d’Fonds poi les bôs è les tchaimpois djunqu’laivi. Pe vaites d’jasaie ïn pô d’aivo les dgens d’ci yûe qu’ainmant bïn baidg’laie. An dit meinme qu’ès sont ïn po courieû. Ç’ât po çoli qu’an les aippele les Piait Nèz, pochqu’èls aint aidé l’nèz aippiaiti contre lai f’nétre di poiye po voûere c’que s’pésse chu lai vie di v’laidge ! Mains çoli, ç’ât les métchainnes landyes qu’le diant ! De tote faiçon, c’qu’ât chur, ç’ât qu’les « Sagnards » aint lai raitieuyèsse tchalourouse, sont d’ bons vétçhains, pe qu’èls aint toûedje ènne boénne loûene è vôs raicontaie, ènne loûene de « Sagnards » bïn chur ! Mains, c’ment i vôs sens preussie d’en saivoi d’pus, i vôs en veus dj’dire yènne tot comptant {{L’envèllie di roi d’Prusse.}} Craibïn qu’vôs saites qu’le cainton d’Neûtchété ât aivu ènne pochèssion di roi d’Prusse djunqu’â permie d’mârs 1848, djoué laivousqu’les Républicains di Hât aint fotu lai pale â tiu d’ces dgens di Bé qu’étïnt â pouvoi bïn inchtallè â tchété d’Neûtchété. È fât dire qu’les dgens di bés di cainton, des chires pe des bordgeais, étïnt po l’roi d’Prusse taindis qu’ces des neûtchét’louses Montaignes, des ôvries pe des payisains étïnt po lai République, sâf les dgens d’Lai Saigne que v’lïnt d’moéraie aittaitchi en lai Prusse ! Èls étïnt dïnche « royalistes » ! Dali, ïn bé djoué d’septembre 1842, le roi d’Prusse Fédéric-Guillaume IV v’nié faire ènne envèllie en ses bon sudjèts d’Lai Saigne. Tot le v’laidge feut bïn chur chu pie po aipparèyie ènne réchèption que n’feuche pe rébièe po grant. Po çoli, è faré qu’le roi d’Prusse voyeuche âtche qu’è n’airait dj’mais vu dains ïn âtre v’laidge d’lai prïncipâtè. « Voili ! qu’dit l’mére, en veut botaie l’Abraham dôs l’véché des tchoûeres d’aivô ènne p’téte écouve po qu’è poyeuche pannaie l’tiu di roi. I sais qu’è Versailles è y é des vâlats qu’fsïnt çoli â roi d’Fraince ! ». Totes les dgens trovainnent l’aivisâle indgéniouse. Feut dit, feut fait ! Aiprès lai nonne, tiaind qu’le roi s’yevé po allaie laivousqu’è vait en dgén’râ tot d’poi lu, le mére yi dit : « Saites-vôs Chire, qu’en lai Mâjon d’Vèlle nôs ains ènne écouve très bïn ïnchtallèe qu’vôs tortche ? ». Dâli, airrivè dans les tchoûeres le roi s’siete chu l’véché, pe, â bon moment è sent péssaie entre ses fèsses ïn bon côp d’toértchon. È se r’yève, raidjeûte ses tiulattes, pe, courieû d’voûere c’t’indgéniou l’aipparraiye, è çhainne sai téte chu le p’tchu. Dâli, l’Abraham craiyaint aivoi mâ fait son traivaiye, è yi r’fot ïn s’gond côp d’aivô sai ptéte écouve é froye soignous’ment l’meûté di roi… ! Les Foulets, le 18 de nôvembre 2005 Eric Matthey Hichtoires d’ Lai Saigne (défâtè en lai d’mainde de ç’t’ Eric poi J-M. Moine) Tot poitcho è y é aivu des dgens chu léqués an ont raicontè des loûenes ! En Europe an en raiconte chu les Belges, taindis qu’en Suisse romande ç’ât chu l’ dôs des Fribordjés qu’an rit. Dains l’ Jura, en Aidjoue an s’ fot d’ ces Bâts d’Bonfô, pe, en lai Montaigne, an rit d’ ces Vies di Peutchaipatte. Dâli bïn chur qu’ le cainton d’ Neûtchété é âchi ses tétes de Teurques. Ç’ ât les dgens d’lai Saigne ! Lai Saigne, ç’ ât ci grant v’laidge qu’ ailaingne ses mâjons et ses belles fèrmes duraint cïntçhe kilomètres dains ïn hât vâ di neûtchét’lou Jura tot prés d’ Lai Tchâ-d’Fonds. Lai Saigne, ç’ ât l’ Yue d’néchaince d’ ci Daniel JeanRichard, pére d’ lai r’leudg’rie dains les montaignes di Jura. Mains ç’ ât âchi l’ bré, des Matile, Matthey, Perret, obïn encoé des Péter-Comtesse. Âchi, poi ènne bèlle ens’rayie djoénèe, i vôs rec’mainde de pâre ïn côp l’ « Ponts-Saigne », ci bé p’tét roudge train qu’vôs moinn’ré dâ Lai Tchâ-d’Fonds poi les bôs è les tchaimpois djunqu’laivi. Pe vaites d’jasaie ïn pô d’aivo les dgens d’ ci yûe qu’ ainmant bïn baidg’laie. An dit meinme qu’ ès sont ïn po courieûs. Ç’ ât po çoli qu’an les aippele les Piait Nèz, pochqu’ èls aint aidé l’ nèz aippiaiti contre lai f’nétre di poiye po voûere c’ que s’ pésse chu lai vie di v’laidge ! Mains çoli, ç’ ât les métchainnes landyes qu’ le diant ! De tote faiçon, c’ qu’ ât chur, ç’ ât qu’ les « Sagnards » aint lai raitieuyèsse tchâl’rouse, sont d’ bons vétçhains, pe qu’ èls aint toûedje ènne boénne loûene è vôs raicontaie, ènne loûene de « Saignards » bïn chur ! Mains, c’ment qu’ i vôs sens preussies d’ en saivoi d’ pus, i vôs en veus dj’ dire yènne tot comptant {{L’ envèllie di rei d’ Prusse.}} Craibïn qu’ vôs saites qu’ le cainton d’ Neûtchété ât aivu ènne pochèssion di rei d’ Prusse djunqu’â permie d’mârs 1848, djoué laivousqu’ les Répubyicains di Hât aint fotu lai pâle â tiu d’ ces dgens di Bé qu’ étïnt â pouvoi bïn inchtallès â tchété d’ Neûtchété. È fât dire qu’ les dgens di bés di cainton, des chires pe des bordgeais, étïnt po l’ rei d’ Prusse taindis qu’ ces des neûtchét’louses Montaignes, des ôvries pe des payisains étïnt po lai Répubyique, sâf les dgens d’ Lai Saigne que v’lïnt d’moéraie aittaitchis en lai Prusse ! Èls étïnt dïnche « reiyâlichtes » ! Dali, ïn bé djoué d’ septembre 1842, le roi d’ Prusse, ci Fédéric-Guillaume IV v’nié faire ènne envèllie en ses bon sudjèts d’ Lai Saigne. Tot le v’laidge feut bïn chur chu pie po aipparèyie ènne réchèption que n’ feuche pe rébièe po grant. Po çoli, è fayait qu’ le roi d’ Prusse voyeuche âtche qu’ è n’airait dj’mais vu dains ïn âtre v’laidge d’ lai prïncipâtè. « Voili ! qu’ dit l’mére, an veut botaie l’ Abraham dôs l’ véché des tchoûeres d’aivô ènne p’téte écouve po qu’è poyeuche pannaie l’tiu di rei. I sais qu’ è Versailles è y é des vâlats que fsïnt çoli â rei d’ Fraince ! ». Totes les dgens trovainnent l’ aivisâle indgéniouse. Feut dit, feut fait ! Aiprès lai nonne, tiaind qu’ le rei s’ yevé po allaie laivousqu’ è vait en dgén’râ tot d’ poi lu, le mére yi dié : « Saites-vôs Chire, qu’ en lai Mâjon d’ Vèlle nôs ains ènne écouve tot bïn ïnchtallèe qu’ vôs tortche ? ». Dâli, airrivè dans les tchoûeres le rei s’ siete chu l’ véché, pe, â bon moment è sent péssaie entre ses fèsses ïn bon côp d’ toértchon. È se r’yeuve, raidjeûte ses tiulattes, pe, courieû d’ voûere c’t’ indgéniou l’ aipparoiye, è çhainne sai téte chu le p’tchu. Dâli, l’Abraham craiyaint aivoi mâ fait son traivaiye, è yi r’fot ïn s’gond côp d’ aivô sai ptéte écouve, é froye soignous’ment l’ meûté di rei… ! Les Foulets, le 18 de nôvembre 2005 Eric Matthey